ليت الزمن يرجع

موضوع: ليت الزمن يرجع الإثنين مايو 09, 2011 2:27 am

ياليت الزمن يرجع ورا ولا الليالي تدور

..........ويرجع وقتنا الأول وننعم في بساطتنا

زمان أول أحسه فيه صدق شعور

..........نحب ونخلص النيه وتجمعنا محبتنا

زمن مافيه لا غيبه ولا حتى نفاق وزور

..........ياليته بس لو يرجع ونسترجع طفولتنا

صغار قلوبنا بيضا نعيش بعالم محصور

..........ولا نعرف أبد أغراب مغير عيال حارتنا

صحيح صغار في التفكير ولكن ماعلينا قصور

..........نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور

..........نحاول نزعج العالم في روحتنا وجيتنا

وعشان نأخر الحصه نخبي علبة الطبشور

..........نشاغب بس في الاخر تميزنا براءتنا

نحب الضحك والهيصه نحب ننط فوق السور

..........نفرفش ليه مانفرفش ما دام الضحك عادتنا

ولكن دارت الأيام وبان الخافي المستور

..........وصار الهم متعلي على قمة سعادتنا

كبرنا وصارت الدنيا تصف أحزاننا بالدور

..........وتهدينا الألم والهم غصب عن عيني رغبتنا

تعبنا من بلاوينا أحد غارق و أحد مقهور

..........وكلن غارق بهمه وفي الآخر تشتتنا

وأنا ما اقول غير إلا ياليت إن الزمان يدور

..........ونرجع للورا فتره نعدل وضع عيشتنا

زائر

مشكوووووووره اختي ع المكلمات الروووعه والاحساس الاروع

لج مني اجمل تحيه

تقبلي مرووووري

مشكوره لاحد يشوفك ع المرور الغااوي
نورتي صفحتي

وأنا ما اقول غير إلا ياليت إن الزمان يدور ..~

وربببي روووووووووعهـ

تسلمين يا قلبو ..

..........نخطط نكسر اللعبه وتسعدنا شقاوتنا
يسعطيج العافيه ع الموضوووووع النااااايس
تسلمين ع الكلام الجميل شكراااااا
تسلم يمنج
لك ودي

مشكوورة أسيرة الاحزان عالموضوع النايس

الله يعطيج العافية

مشكووورين ع المرور اناااايس نورتوووو صفحتي